關於Key 嘅基本知識
希Sir今日想同大家講少少關於Key 嘅基本知識。相信大家成日都聽到人講：「喂！你唱錯Key喎～」、「哦？依個Key唔岩你唱喎！」、「可唔可以升2個Key先比我唱呀？」等等嘅對話。 咁究竟Key喺咩呢？ 其實簡單嚟講，Key 即喺一首歌嘅調性(Tonality)，而無論喺古典音樂嘅common practice period(即喺巴洛克時期(Baroque)、古典時期(Classical)、浪漫時期(Romantic)），定喺而家嘅流行音樂，最主要會用到嘅就喺Major大調和Minor小調。小調涉及很多變化，我哋留待下次再講，今次就講下大調先。
相信大家由細到大都會識唱以下嘅一句音樂：
Do Re Mi Fa So La Ti Do
其實依個就喺大調音階-Major Scale. 簡單的一句說明，調性(Key)就喺我哋揀龬琴上嘅邊個音做Do呢？其實龬琴上嘅每個音都可以喺Do音，大家可以望望下面幅圖，如果我地選擇middle C音喺唱Do嘅話，咁沿住啲白鍵唱上去 - Do(C) Re(D) Mi(E) Fa(F) So(G) La(A) Ti(B) Do(C) 最後又返返去個C音，啱啱好唱左一個8度。 咁，依個就喺 C Major, C 大調啦。一個最基本嘅調，冇黑鍵....唉！咪住先！咁啲黑鍵喺咩嚟架？
其實，一個大調音階嘅組成，雖然我哋只喺用左8個音，但其實，由一個Do音上到另一個Do音，理論上（其實實際上都喺嘅^^")喺分左12個（半音）嘅，換言之，比如話C音到D音，其實佢哋嘅關係喺一個全音（度），而夾喺佢地中間果位黑鍵先生，就喺半音（半度）啦。
好，講到依到，明唔明先？唔明唔緊要，歡迎大家問我～
大家再望望個琴，用C大調嚟講，有冇發現，Mi Fa (E to F) 和 Ti Do (B to C) 中間喺冇黑鍵先生架喎！聰明嘅大家一定已經估到，原來喺樂理嘅調性理論上，大調音階嘅 Mi to Fa & Ti to Do, 佢地嘅關喺，比起其他嘅音呢，喺close啲親密啲嘅！換言之，Mi Fa 同 Ti Do 本身已經喺半音關喺啦。
好好記住依點先！
好！綜合以上嘅道理，我想為大家介紹多兩個大調，佢哋分別係比C大調升左5度同降左5度嘅 G大調先生同F大調小姐。 （喂喂！希Sir，點解一講就講5度架！）其實呢，5度關係喺樂理嚟講佢地喺一個最親密嘅關係，大家可以參巧下希Sir前兩篇嘅文章：《The Perfect 5th : The Basic of All Harmony.....?》
好，先有請G大調先生登場，望住幅圖，我地由G音（長氣啲即喺話由C音數上去(數埋自己)嘅第五個白鍵）開始沿住白鍵唱: Do(G) Re(A) Mi(B) Fa(C) So(D) La(E) Ti(F?) Do(G) 好，先check下 Mi 去 Fa 岩岩好經過 B 同 C 音，中咗半音關係，所以冇問題，但喺，再check下 Ti 去 Do ，唉？喺F 同G 音喎，中間隔左個黑鍵先生，唔緊要！我哋只要將個 F 音升半度(sharp, 符號喺: # )，即喺話我哋唔彈F白建，而選擇彈佢對上果個黑鍵～ 搞掂曬！所以我地得到嘅G大調音階就會喺： G A B C D E F# G
Ok? 到F大調小姐出場，望住幅圖，我地由F音（長氣啲即喺話由C音數落去(數埋自己)嘅第五個白鍵）開始沿住白鍵唱: Do(F) Re(G) Mi(A) Fa(B?) So(C) La(D) Ti(E) Do(F) 好，我哋今次先check下 Ti 去 Do 岩岩好經過 E 同 F 音，中咗半音關係，所以冇問題，但喺，再check下 Mi 去 Fa ，唉？喺A 同B 音喎，中間隔左個黑鍵先生，唔緊要！我哋只要將個 B 音降半度**(flat, 符號喺: b )，即喺話我哋唔彈B白建，而選擇彈佢對落果個黑鍵～ 搞掂曬！所以我地得到嘅F大調音階就會喺： F G A Bb C D E F **有朋友仔可能會問，點解要降個B音而唔喺升個A音嘅？（雖然佢地喺同一個黑建先生）喺度補充一下：首先音階嘅原則，音名係唔可以重覆嘅，階者樓梯也，我哋行樓梯唔會行同一級兩步，換言之，喺「不」可以寫成：F G A A# C D E F 的。另一個例子，好！咁可能你會話咁寫咪得囉：F G A# B C D E F, 答案喺「不可以！！！」，咁樣雖然喺解決左Mi 去Fa 嘅問題，但同時亦顯生出兩個問題：Re Mi 之間變左有1度半，而Fa So 之間變左得返半度。所以點解一定要Flat B 而不可 Sharp A.
簡單總結：全＝全音關係(中間有黑鍵先生)半＝半音關係(中間冇黑鍵先生) Do 全 Re 全 Mi 半 Fa 全 So 全 La 全 Ti 半 Do
好～只要大家明白左以上嘅道理，基本上所有大調音階都可以搵到出嚟，只喺在於邊啲音要升，邊啲音要降。大家不妨試下自己再搵多幾個Key嘅音階出嚟啦～ 有唔明歡迎問我呀！
謝謝大家比面觀看～
(如希Sir在以上觀點有任何謬誤或錯處請如實指出，音樂教育靠大家的無私分享，謝謝！)
